وارانسی: گیان واپی کو لے کر تنازع بڑھتا جا رہا ہے۔ ہندو فریق کی جانب سے اے ایس آئی سے نہ صرف مسجد کے ہال میں پائے جانے والے مبینہ شیو لنگ کی شکل کی بلکہ پورے کمپلیکس کی تحقیقات کا مطالبہ کیا گیا ہے۔ اس حوالے سے ہندو فریق اب عدالت کا دروازہ کھٹکھٹانے جا رہا ہے۔ قبل ازیں ہندو فریق کی اپیل پر الہٰ آباد ہائی کورٹ نے اے ایس آئی کو شیولنگ کے مجسمہ کی تحقیقات کا حکم دیا تھا۔
ہندو فریق کا کہنا ہے کہ تمام لوگ چاہتے ہیں کہ ہمارے بھگوان آدی ویششور سے متعلق گیان واپی کی سچائی سامنے آئے۔ سب کو معلوم ہونا چاہیے کہ آدی ویششور مندر کب بنا تھا۔ ہندو فریق نے عدالت سے کاربن ڈیٹنگ اور گراؤنڈ پینٹریٹنگ ریڈار (جی پی آر) ٹیکنالوجی کے ساتھ پوری متنازعہ جگہ کا اے ایس آئی سروے کرانے کا مطالبہ کیا ہے۔ دوسری طرف، گزشتہ سال اسی دن، منگل کو مدعی کی طرف سے خواتین اور سینئر وکیل وشنو شنکر جین وارانسی کی گیان واپی مسجد میں موجود وضو خانہ میں پائے جانے والے مبینہ شیو لنگ پتھر کے ساتھ مہادیو کی پوجا کرنے پہنچے تھے۔
16 مئی 2022 کو ہی، گیان واپی کیمپس کے اندر وضو خانہ میں مبینہ شیولنگ جیسی شکل پائی گئی۔ بعد ازاں سپریم کورٹ نے بھی اسے سیل کرنے کا حکم دیا تھا۔ حال ہی میں مدعی فریق کے لوگوں کی اپیل پر ہائی کورٹ نے اس پتھر کا اے ایس آئی سروے کرانے کے احکامات جاری کیے ہیں، جس پر وارانسی کی ضلعی عدالت میں 22 مئی کو سماعت ہونے والی ہے۔ اس سے قبل آج اس معاملہ کے ایک سال مکمل ہونے کے موقع پر مدعی فریق کی خواتین اور وکلاء نے پہنچ کر اس مبینہ شیولنگ کے باہر احاطے میں رودرابھیشیک اور پوجا کی۔
مزید پڑھیں:Carbon Dating of Gyanwapi گیانواپی کیس مبینہ شیولنگ کی کاربن ڈیٹنگ کامطالبہ مسترد
اس موقع پر وشنو شنکر جین کا کہنا ہے کہ عدالت نے اس شیولنگ کی کاربن ڈیٹنگ اور اے ایس آئی کے سروے کا حکم دیا ہے۔ لیکن، اب ہم پورے کیمپس کے سروے کا مطالبہ کر رہے ہیں۔ آج، ہم وارانسی کی ضلعی عدالت میں مسجد کے تین گنبدوں کے نیچے تینوں چوٹیوں کے احاطے میں موجود تمام ثبوتوں کے ایس آئی سروے کا تحریری مطالبہ دائر کریں گے۔ جس پر عدالت کی جانب سے اسے منظور کرنے سے متعلق سماعت 2 گھنٹے میں مکمل کی جائے گی۔ فی الحال دونوں طرف سے سروے سے پہلے ہی معاملہ گرم ہوتا دکھائی دے رہا ہے۔ مدعی فریق کی خواتین کا کہنا ہے کہ آج ہم نے بابا کی ابھیشیک اور پوجا کی ہے اور ان سے دعا کی ہے کہ جلد ہمیں ان کے اندر پوجا کا موقع ملے۔
