ریاست اترپردیش کے ضلع رامپور کے مسواسی، چاؤ پورا اور کندن پور گاؤں میں لوگوں نے تیندوا دیکھا۔ دیہی باشندے تیندوئے کے خوف کی وجہ سے اپنے کھیت پر کام کرنے نہیں جا رہے ہیں۔ جب اس کی اطلاع محکمہ جنگلات کو ملی تو انہوں نے ٹیم کے ساتھ سرچ آپریشن شروع کر دیا ہے۔
تیندوئے کی دہشت سے لوگ گھروں میں قید
دراصل گاؤں مسواسی یوپی اور اتراکھنڈ کی سرحد پر واقع ہے۔ اتراکھنڈ جنگلی علاقہ ہونے کی وجہ سے یہاں کے ارد گرد کے گاؤں سے اکثر ایسی خبریں موصول ہوتی رہی ہیں جہاں جنگلی جانور اور درندے کے نظر آنے کی بات کہی جاتی ہے۔
کچھ ایسا ہی معاملہ گاؤں مسواسی میں دیکھنے کو ملا۔ جیسے ہی لوگوں نے تیندوئے کی آواز سنی لوگ گھبرا گئے اور اس کی جانکاری فورا محکمہ جنگلات کو دی گئی۔
مقامی لوگوں کے مطابق تیندوئے کی دہشت سے بچوں کو گھروں میں ہی قید کرکے رکھا جا رہا ہے۔ بچوں کو باہر جا کر کھیلنے کی اجازت نہیں ہے۔
