اس دوران سماجوادی کارکنان نے سماج وادی حکومت میں کرایے گئے ترقیاتی کاموں کے بارے میں بھی بتایا۔ ساتھ ہی موجودہ بی جے پی حکومت کی ناکامیوں سے عوام کو آگاہ کیا۔
اس موقع پر ایس پی کے ترجمان راگھویندر دبے نے کہا کہ، ''پورے اترپردیش میں امن و امان کی صورتحال بد سے بدتر ہے۔ مجرموں کو کھلی چھوٹ ہے۔''
انہوں نے کہا کہ، ''وکاس دوبے کی اقتدار میں بیٹھے لوگوں سے قربت اور پولیس سے اتحاد کی کہانی ایک انکاؤنٹر میں ختم ہوگئی۔ خود سپردگی کے بعد پولیس کے انکاؤنٹر نے بہت سے سوالات کو جنم دیا ہے۔ وکاس کے زندہ رہنے سے سیاستدانوں اور پولیس کے گٹھ جوڑ کے انکشاف کا اندیشہ موجود تھا۔''
راگھویندر دبے نے کہا کہ، ''حکومت وکاس کی سی ڈی آر کو عام کرے تاکہ معاشرے میں چھپے غدار اور مجرم قانون کی گرفت میں ہوں، تب ہی مارے گئے پولیس اہلکاروں کے ساتھ انصاف ہو گا۔''
انہوں نے کہا کہ، ''عوام اترپردیش کی بی جے پی حکومت سے ناراض ہے اور اکھلیش کو دوبارہ وزیر اعلیٰ کے طور پر دیکھنا چاہتے ہیں۔''
اس موقع پر ایس پی رہنما کنور بلال برنی، ببلو چوہان، منوج گوئل، سدیش بھاٹی، سوربھ وغیرہ موجود تھے۔
