ضلع بارہ بنکی کے حلقۂ اسمبلی زیدپور سمیت یوپی کی تمام 11 نشستوں پر پیس پارٹی اپنے امیدوار اتارے گی۔ جن 11 نشستوں پر انتخابات ہو رہے ہیں وہاں پیس پارٹی کا کوئی وجود تو نہیں ہے، لیکن مسلم ووٹوں پر خاصی پکڑ ہونے کی وجہ سے پیس پارٹی سماج وادی، بہوجن سماج پارٹی اور کانگریس کے لیے مشکل کھڑی کرسکتی ہے۔
سماج وادی سمیت کئی سیاسی پارٹیوں سے اتحاد کر چکے ڈاکٹر ایوب کی پارٹی ضمنی انتخابات میں کسی کے ساتھ اتحاد کرکے انتخابات میں نہیں اترے گی۔
دراصل بی جے پی مخالف پارٹیوں کے پاس موجودہ وقت میں صرف اور صرف مسلم ووٹ ہی مانا جا رہا ہے. ایسے میں اقلیتی طبقہ کے جذباتی مسائل اور ایس پی، بی ایس پی اور کانگریس کی ناکامی بیاں کر کے اقلیتی طبقہ کی حمایت حاصل کرنے کی کوشش میں لگے ہیں۔
زیدپور اسمبلی نشست میں پیس پارٹی کے اپنے مقصد میں کامیاب ہونے کی زیادہ امید اس وجہ سے ہے کہ اس نشست میں پسماندہ مسلمانوں کی تعداد بہت زیادہ ہے اور اسی جہ سے پیس پارٹی کے کامیاب ہونے کے امکانات زیادہ ہیں۔