نوئیڈا میں خواتین کو تحفظ فراہم کرنے اور اوباش قسم کے لوگوں کی دھڑ پکڑ کے لئے خواتین پولیس پر مشتمل ایک ٹیم تشکیل دی گئی۔ مذکورہ ٹیم نے رات کے وقت عوامی مقامات پر شراب پینے والے اور عورتوں اور لڑکیوں پر کمینٹس کرنے والوں کے خلاف چیکنگ اور پیٹرولنگ کی کارروائی کی۔
کل پولیس نے کارروائی کے دوران 38 مقامات پر 536 مشتبہ افراد کی چیکنگ کرتے ہوئے 30 افراد کے خلاف ضابطہ کے مطابق کارروائی کی۔
گوتم بودھ نگر کے ایڈیشنل پولیس کمشنر لا اینڈ آرڈر نے بھی دورہ پر جاتے ہوئے سوئم سِدھ ٹیم کو ضروری ہدایات دی ہیں لیکن لوگوں کا کہنا ہے کہ یہ تمام باتیں اور کارروائی وقتی ہوتی ہیں۔ کچھ دنوں کے بعد سب معمول پر آ جائے گا۔
