ریاست اترپردیش کے ضلع بلند شہر میں ایک سڑک حادثہ میں ہلاک ہونے والی سدیکشا بھاٹی کے اہل خانہ نے وزیراعلیٰ یوگی آدیتہ ناتھ سے ملاقات کی ہے۔
سدیکشا بھاٹی کے اہل خانہ نے آج لکھنؤ میں وزیر اعلی یوگی آدتیہ ناتھ سے وزیر اعلی کی رہائش گاہ پر ملاقات کی۔
ان کے ہمراہ دادری کے رکن اسمبلی تیج پال ناگر اور راجیہ سبھا کے رکن پارلیمان سریندر ناگر بھی تھے۔
وزیراعلیٰ یوگی آدتیہ ناتھ نےسدیکشا بھاٹی کے اہل خانہ سے گفت و شنید کی اور تعزیت پیش کی۔
انہوں نے ہر ممکن مدد کی یقین دہانی کرائی اور انہیں تسلی دی ۔
انہوں نے سدیکشا کی موت کو ملک و معاشرے کے لئے ناقابل تلافی نقصان قرار دیا۔
انہوں نے کہا کہ وہ قوم کی بیٹی ، معاشرے کی بیٹی تھیں۔
ہر کوئی بیٹی کے چلے جانے پر افسردہ ہے ، لیکن ہمت کے ساتھ کام کریں۔
یہ بھی پڑھیے:بجنور: معشوقہ کے قتل کے الزام میں عاشق گرفتار
انہوں نے ہدایت کی کہ سدیکشا کے نام پر ایک لائبریری تعمیر کی جائے گی تاکہ علاقے کے بچوں کو آگے بڑھنے اور تعلیم حاصل کرنے کی ترغیب مل سکے۔
انہوں نے اہلکاروں کو اہل خانہ کو مالی مدد فراہم کرنے کی ہدایت بھی کی۔
حکومت کی طرف سے سدیکشا بھاٹی کے اہل خانہ کو 15 لاکھ اور ایم پی سریندر ناگر سے 5 لاکھ روپے دیئے جائیں گے۔
لواحقین نے وزیراعلیٰ کو بتایا کہ سدیکشا بھاٹی بہت میرٹ تھی اور غیر موجودگی میں بھی تعلیم حاصل کرنے کے خواہش مند تھی
اہل خانہ نے بتایا کہ پورا خاندان ایک ہی کمرے میں رہتا تھا ، اس کے باوجود سدیکشا بھاٹی تعلیم حاصل کرتی تھی۔
سدیکشا بھاٹی کے والدین نے اس ملاقات کے بعد کہا کہ وزیر اعلی نے ان کی بات سنی اور اس کے نام پر جو کچھ بھی کررہے ہیں وہ ہمارے لئے باعث اطمینان ہے۔
