نوئیڈا: ہندوستان کے پہلے وزیر اعظم بھارت رتن آنجہانی پنڈت جواہر لال نہرو کی 59ویں برسی کے موقعے پر میٹرو پولیٹن کانگریس کمیٹی کے دفتر میں رام کمار تنور کی صدارت میں ملک کے پہلے وزیر اعظم کی تصویر پر گل پوشی کر کے انہیں خراج عقیدت پیش کیا گیا۔ اس موقعے پر مہا نگر کانگریس کمیٹی کے صدر رام کمار تنور نے کہا کہ پنڈت جواہر لال نہرو جی نے تمام مذاہب کی برابری اور مساوات کی بنیاد پر جدید ہندوستان کی تعمیر کے لیے اس ملک کی بنیاد رکھی تھی، جس کی شکل آج ملک کے سامنے ہے۔ انہوں نے بے خوف ہو کر سیکولرزم اور مساوات کے نظریے کو آگے بڑھایا اور ذات پات اور مذہب کی تفریق کے بغیر ملک کی بنیاد رکھی۔ انہوں نے جمہوریت کو مضبوط کیا اور ہندوستانی قوم کا نام پوری دنیا میں روشن کیا۔
یہ بھی پڑھیں:
- Nehru Death Anniversary کھڑگے، راہل اور پرینکا نے نہرو کو خراج عقیدت پیش کیا
- Kashmiri Pandit on Maharaja Hari Singh: مہاراجا ہری سنگھ ظالم حکمران تھا، کشمیری پنڈت سمپت پرکاش
پی سی سی ممبر رضوان چودھری نے کہا کہ نہرو جی کے بغیر ہندوستان کا تصور نہیں کیا جا سکتا۔ اس موقعے پر میٹرو پولیٹن صدر رام کمار تنور، اور بی سی ریاست نائب صدر فیرے سنگھ ناگر، پی سی سی ممبر رضوان چودھری، نائب صدر ہریندر شرما، پی سی سی ممبر اوشا دیوی، کرن دیوی، رام دیوی اونیش تنور، پونیت تنور، نشانت نگر، پنکج کمار، شرے یادو، آدرش ورما، ابھیشیک، شیوم تنور، شیو کمار، نتیش تنور، کیلاش کمار، نرنجن سنگھ، وکاس یادو، نتن کمار جیسے عہدیداروں نے انہیں خراج عقیدت پیش کیا۔
