ریاست اترپردیش کے ضلع امروہہ میں بھارتیہ کسان یونین بھنو نے تحصیل نوگوان سادات کیمپس میں ماہانہ پنچایت کا انعقاد کیا۔
کسانوں کے متعدد مسائل کو لے کر پنچایت
اس دوران کسانوں کی پریشانیوں کو اٹھایا گیا، کسان رہنماؤں نے پنچایت میں گفتگو کرتے ہوئے کہا کہ کسان پریشان ہیں۔ ژالہ باری اور شدید بارش سے کسانوں کو بہت زیادہ نقصان پہنچا ہے۔ اس کے ساتھ کچھ بینک بھی کسان کریڈٹ کارڈ بنانے میں کاشتکاروں کو پریشان کر رہے ہیں۔
راشن کارڈ بنوانے میں بھی کسانوں کو کافی پریشانیوں کا سامنا کرنا پڑ رہا ہے۔
اس دوران بارش کے ساتھ ساتھ آوارہ جانور بھی کسانوں کی پریشانی کا سبب بنے ہوئے ہیں۔
کسان رہنماؤں نے کہا کے آوارہ جانوروں کو پکڑ کر انتظامیہ جلد از جلد گوشالا میں بند کروائیں۔
