نشست میں بطورِ مہمان خصوصی چیف فوڈ آفیسر انل رائے نے شرکت کرتے ہوئے کہا کہ اس تنظیم کے ذریعہ تمام پان فروخت کرنے والے دکانداروں سے اپیل کرنا چاہتا ہوں کہ سابق میں ممنوعہ شدہ دوہرے کو ہرگز اپنی دکانوں پر فروخت نہ کریں کیونکہ ایسا کرنا قانونی و سماجی جرم ہے۔
اس موقع پر ویاپار منڈل کلیان سمیتی اتر پردیش کے ریاستی صدر جاوید عظیم و ریاستی نائب صدر صدام حسین نے بھی خطاب کیا۔
پان فروخت تنظیم کے ضلع صدر وشال چورسیا نے ای ٹی وی بھارت سے بات کرتے ہوئے کہا کہ دوہرا جو کہ ایک جان لیوا چیز ہے اس کے خاتمے اور فروخت پر روک لگانے کے لئے ایک نشست کا انعقاد کیا گیا ہے جس سے لوگوں کو بیدار کرنا مقصد ہے۔
مزید پڑھیں:
جونپور: ملا بہرام منطقی کا مقبرہ 'بارہ دری' عدم توجہی کا شکار
پان فروخت تنظیم کے زیرِ اہتمام پان دکانداروں سے اپیل کی جا رہی ہے کہ وہ اپنی دکانوں پر دوہرا کو فروخت نہ کریں اگر کوئی بھی پان دکاندار دوہرا فروخت کرتے پکڑا گیا تو پان فروخت تنظیم کی کوئی بھی ذمہ داری نہیں ہوگی۔
واضح رہے کہ شمالی ہند کے بعض علاقوں میں دوہرے کا چلن ہے۔ دہرا ڈلی، تمباکو اور چونا وغیرہ کا استعمال کرکے بنایا جاتا ہے۔ دوہرے میں پان کے پتے کو چھوڑ کر پان کے بیشتر اجزاء کا استعمال کیا جاتا ہے۔
