اس موقع پر ٹریننگ کے مختلف شعبوں میں بہترین مظاہرہ کرنے والے پی اے سی ریکروٹس کو پولیس سپرنٹنڈنٹ نے انعام سے سرفراز کیا۔
بارہ بنکی میں پی اے سی کے پریڈ گراؤنڈ میں سب سے پہلے پی اے سی کے ان 245 جوانوں نے پاسنگ آوٹ پریڈ کی۔ پریڈ کے ذریعہ نے ان ریکروٹس نے اپنے ہنر کا ایسا مظاہرہ کیا کہ ہر شخص ان کا قائل ہو گیا۔
پریڈ کے بعد ایس پی ڈاکٹر اروند چترویدی نے ان ریکروٹس میں سے ٹریننگ کے مختلف شعبوں میں بہترین مظاہرہ کرنے والوں کو اعزاز سے سرفراز کیا۔
اس موقع پر ایس پی نے ان ریکروٹس کے مستقبل کے لئے نیک خواہشات کا اظہار کیا اور آسٹریلین شاعر ڈگلس میلاگ کی نظم کو پڑھ کر ان کی حوصلہ افزائی کی۔
انہوں اس نظم کے پہلے مصرے کا مفہوم بتایا کہ، 'جو بھی ہو وہ سب سے اعلیٰ ہو۔'
انہوں نے کہا کہ، 'ہمیں یہ نہیں دیکھنا چاہئے کہ ہم کس عہدے پر ہیں یا کہاں ہیں۔ ہمیں بس سب سے اچھا اور اعلیٰ کام کرنے کی کوشش کرتے رہنا چاہئے۔'
