آکسیجن ایکسپریس وارانسی پہنچی

کورونا وبا میں آکسیجن کی قلت کے پیش نظر گزشتہ شب آکسیجن ایکسپریس وارانسی پہنچی، جس سے اب امید کی جارہی ہے کہ ضلع میں آکسیجن کی کمی دور ہوجائے گی۔

اترپردیش کے ضلع وارانسی، لکھنؤ سمیت کورونا سے متاثرہ علاقوں میں آکسیجن کی قلت کو دور کرنے کے لیے گزشتہ شب آکسیجن ایکسپریس وارانسی پہونچی، جہاں سے ایک ٹینکر لکھنؤ کے لیے روانہ کردیا گیا۔

ریلوے اہکاروں کے مطابق اس ٹینکر میں بیس ہزار لکویڈ آکسیجن موجود ہے، جس سے امید کی جارہی ہے کہ ضلع میں آکسیجن کی کمی دور ہوجائے گی۔آکسیجن ایکسپریس نے بکارو اسٹیل فیکٹری سے بنارس کی دوری 429 کلو میٹر کو گیارہ گھنٹہ تیس منٹ میں طے کیا ہے، ریلوے افسران کے مطابق حفاظتی وجوہات کے پیش نظر ٹرین کی رفتار کافی کم تھی اس وجہ سے زیادہ وقت لگا۔

فی الحال آکسیجن کے پہنچنے سے بنارس کے لوگوں کے لیے یہ راحت کی خبر ہے۔