ریاست اترپردیش میں ضلع بہرائچ کے تھانہ رسیا میں شرپسندوں نے گھر میں سو رہے شخص کو گولی مار دی فائرنگ کی آواز سنتے مقامی لوگ موقع پر پہنچے اور زخمی کو فور ہسپتال میں داخل کرایا جہاں ڈاکٹرز نے اسے مردہ قرارا دے دیا۔
مقتول کے رشتے دار سبھاش نے بتایا کہ رسیا کا رہائشی راجندر بھارتی اپنے گھر میں سو رہا تھا تبھی دیر رات کچھ نا معلوم افراد نے گھر میں گھس اسے گولی مار دی گولی کی آواز سن کر مقامی لوگ جائے وقوع پر پہنچے اور راجندر کو فورا ہسپتال میں داخل کرایا جہاں ڈاکٹرز نے اسے مردہ قرار دے دیا۔
واقعے کی اطلاع ملنے کے بعد تھانہ رسیا کی پولیس موقع پر پہنچی اور لاش کو قبضے میں لے کر پاسٹ مارٹم کے لئے روانہ کر دیا اور معاملے کی تفتیش شروع کردی ،
اس تعلق سے ضلع پولیس کپتان ڈاکٹر وپن کمار مشرا نے بتایا کہ پولیس کی ٹیم معاملے کی جانچ کر رہی ہے جلد انکشاف کر لیا جائے گا
