کرنٹ لگنے سے ایک شخص ہلاک

اترپردیش کے ضلع جونپور کے بخشا علاقے میں اتوار کو کرشنا مورتی کی وسرجن کے موقع پر ایک ہائی ٹینشن لائن کی زد میں آنے سے ایک نوجوان کی موت ہوگئی جبکہ دیگر تین افراد شدید طور سے زخمی ہوگئے۔

پولیس کے مطابق اچورا گاؤں باشندہ امت سونکر اور دیگر ٹریکٹر پر سوار ہوکر کرشن کی مورتی وسرجن کرنے گومتی ندی کے چھونچھے گھاٹ جارہے تھے کہ اس درمیان مادھو گنج(برسالت پور) کے سامنے ہائی ٹینشن تار کی زد میں آگیا جس سے ٹریکٹر میں آگ لگ گئی۔

اس حادثے میں امت، پرمودسونکر، ڈبّو اور روہن جھلس گئے۔ سبھی کو فورا علاج کے لیے اسپتال میں داخل کرایا گیا جہاں ڈاکٹروں نے امت کو مردہ قرار دے دیا۔ شدید طور سے جھلسے تینوں زخمیوں کی حالت خطرے سے باہر بتائی جارہی ہے۔