ریاست اتر پردیش کے ضلع امروہہ کے صدر کوتوالی علاقے میں واقع اسٹپلائزر فیکٹری میں گیس سلینڈر پھٹنے سے آگ لگ گئی، جس کی زد میں آکر ایک شخص ہلاک ہوگیا جبکہ دیگر دو افراد شدید طور پر زخمی ہوگئے ۔ مقامی لوگوں کی اطلاع پر پہنچی فائربریگیڈ ٹیم کی مدد سے آگ پر قابو پالیا گیا ہے۔
ویڈیو
اس معاملے کی تصدیق کرتے ہوئے امروہہ کے ایڈیشنل پولیس سپرانٹنڈنٹ اجے پرتاپ سنگھ نے بتایا کہ 'کوتوالی فیکٹری میں پیش آئے حادثے میں ایک افراد ہلاک ہوا ہے جب کہ 'دو افراد شدید طور پر زخمی ہیں،' حالانکہ حادثے کی وجوہات کا ابھی تک پتا نہیں چل سکا ہے ۔
وہیں ضلع ہسپتال کے ڈاکٹر اقبال احمد نے بتایا کہ 'آگ سے جھلسے دو افراد کو بہتر علاج کے لئے دہلی ریفر کر دیا گیا ہے جب کہ ان میں سے ایک شخص کی موت واقع ہو گئی ہے۔
