ریاست اترپردیش کے دارالحکومت لکھنؤ کے پارا تھانہ حلقے کے عالم نگر میں گیس سلینڈر پھٹنے سے دھماکہ ہوگیا جس میں ایک شخص کی موت جبکہ تین افراد شدید طور سے زخمی ہوگئے ہیں۔
لکھنؤ میں سلینڈر پھٹنے سے ایک کی موت، تین زخمی
پارا پولیس کے مطابق گھر میں رکھے گیس سلینڈر کے اچانک پھٹنے سے زوردار دھماکہ ہوا، جس کی زد میں آنے سے ایک شخص کی موت ہوئی اور تین افراد زخمی ہوگئے ۔ اس کے علاوہ لاکھوں کا مالی نقصان بھی ہوا ہے۔
یہ بھی پڑھیں: بڑھتی ہوئی قیمتوں نے عوام میں تباہی مچا دی
دھماکہ گیس سلینڈر پھٹنے سے ہوا ہے یا کسی دوسری چیز سے ہوئی ہے۔ ابھی اس پر کوئی کچھ بھی بولنے سے گریز کر رہا ہے۔ آگے کی جانچ پڑتال کے بعد ہی صحیح تصویر سامنے آئے گی۔
قابل ذکر ہے کہ کچھ روز پہلے عیش باغ کے دھوبی گھاٹ میں بھی آتشزدگی سے تقریباً 50 گھر جل کر راکھ ہو گئے تھے۔ حالانکہ وہاں مالی نقصان ہوا تھا لیکن کسی کی جان نہیں گئی تھی۔
