پروفیسر محمد حسن نے اپنی پوری زندگی اردو ادب کے نام کی۔ انہوں نے نئی نسل کو آئینہ دکھایا تاکہ وہ بھی اردو زبان کو پڑھیں۔ پروفیسر حسن نے اردو زبان کے فروغ کے لیے نمایاں کردار ادا کیا۔
اترپردیش کی دارلحکومت لکھنؤ کے دارالعلوم وارثیہ مدرسہ میں 'این سی پی یو ایل دہلی اور ایچ جی فاونڈیشن کے اشتراک سے بعنوان "ترقی پسند تحریک کے سپاہ سالار پروفیسر محمد حسن" پر سیمینار منعقد کیا گیا۔
سمینار کی صدارت کر رہے شمس الحسن نے کہا کہ پروفیسر محمد حسن کسی تعارف کے محتاج نہیں ہیں۔
انہوں نے اپنی پوری زندگی اردو ادب کے نام کی، جو نئی نسل کیلئے نئی راہ ہے ۔
پروفیسرحسن اترپردیش کے ضلع بدایوں کے ایک زمیندار گھرانے میں 1926 میں پیدا ہوئے۔ انہوں نے اپنی پوری زندگی اردو ادب کی خدمت میں گزار دی۔ ان کی تعلیم لکھنؤ یونیورسٹی سے ہوئی، جہاں انہوں نے ایم اے، ایل ایل بی اور پی ایچ ڈی کی ڈگری حاصل کی۔
قابل ذکر ہے کہ پروفیسر حسن یوپی اردو اکیڈمی میں چیئرمین کے عہدے پر فائز ہو کر اپنی خدمات انجام دے چکے ہیں۔
ایچ جی فاونڈیشن کے صدر امت ترپاٹھی نے ای ٹی وی بھارت سے بات چیت کے دوران بتایا کہ پروفیسر محمد حسن نے اردو زبان کے فروغ کے لیے تاعمر کام کیا۔
انہوں نے سماج میں پھیلی نفرتوں کو دور کرنے کا بھی کام کیا۔
امت ترپاٹھی نے کہا کہ اس طرح کے سمینار کا مقصد اردو زبان کو فروغ دینا اور پروفیسر حسن کی خدمات کو منظرعام پر لانا ہے تاکہ آج کے طلباء انکی تعلیمات پر عمل پیرا ہوں۔
سمینار میں ایچ جی فاونڈیشن نے سماج کی فلاح وبہبود کے لئے کام کر رہی تنظیموں کو سرٹیفکیٹ دیا۔
جن میں کرماوتی پال فاونڈیشن کے ارن پال، عرض فاونڈیشن کے جیتندر پانڈے، مہاویر سیوا سنستھان کے انوپم شریواستو کو سرٹیفکیٹ دے کر اعزاز سے نوازا گیا۔
