ریاست اتر پردیش کے ضلع مظفر نگر میں ضلعی انتظامیہ کی زیر نگرانی میں گذشتہ ایک ہفتہ سے مشن شکتی مہم چلائی جارہی ہے۔ نیز اس مشن شکتی مہم کے تحت، روزانہ مختلف مقامات کا دورہ کرتے ہوئے، ضلعی انتظامیہ کی ٹیم نے ضلعی مجسٹریٹ سیلوا کماری جے کی نگرانی میں خواتین کو بیدار کرنے کے لئے مختلف پروگرام پیش کیے۔
اسکول میں طلباء کو مختلف امور سے آگاہ کیا گیا، آج اس مشن شکتی کے اختتامی موقع پر ضلعی انتظامیہ کی نگرانی میں گورنمنٹ انٹر کالج، مہاویر چوک کے احاطے میں ایک میلے کا انعقاد کیا گیا۔
میلے کا افتتاح بی جے پی کے ممبر پارلیمنٹ ڈاکٹر سنجیو کمار بالیان، بوڈھانہ کے ایم ایل اے امیش ملک اور ضلعی صدر نے فیته کاٹ کر افتتاح کیا۔
اس دوران ضلعی کلکٹر سیلوا کماری جے، چیف ڈیولپمنٹ آفیسر آلوک کمار، اے ڈی ایم انتظامیہ امیت سنگھ اور دیگر انتظامی افسران موجود تھے۔
نمائش میں آنے والے عوامی نمائندوں اور ضلعی مجسٹریٹ نے ہر اسٹال کا دورہ کیا۔ اس میلے میں ضلع کے متعدد محکموں کی جانب سے مختلف اسٹال لگائے گئے تھے، جو معاشرے کو آگاہ کرنے کا کام کررہے تھے۔
مزید پڑھیں:
بارہ بنکی: سبزی کی قیمتوں میں اضافہ، بگڑا عام آدمی کا بجٹ
اس مشن کے تحت شکتی ناری میلہ، محکمہ آنگن واڑی، محکمہ صحت، ڈی ایس او ڈیپارٹمنٹ، محکمہ تعلیم، محکمہ زرعی، محکمہ گرام پنچایتی وغیرہ اسٹالوں کو محکموں سے منسلک کیا گیا تھا، جس کی نمائندگی عوامی نمائندوں اور ضلعی مجسٹریٹ سیلوا کماری جے نے کی تھی۔
