دراصل تھانہ گنج رامپور پولیس کی اطلاعات کے مطابق 'رامپور کے کاشی پور آنگا گاؤں کے ایک شخص نے طمنچہ ہاتھ میں لے کر اپنی ایک تصویر سوشل میڈیا پر ڈالی تھی۔ جس میں چار کارتوس چارپائی پر رکھ کر ایک لڑکا اپنے ہاتھ میں طمنچہ لہرا رہا تھا اور طمنچہ کو اوپر اٹھا کر لوگوں کو ڈرانے اور خوفزدہ کرنے کی کوشش کر رہا تھا۔
فوٹو کو ٹویٹر اور دیگر سوشل میڈیا کے گروپوں میں وائرل کرکے سماج کے لوگوں کو ڈرا کر اپنے اثر میں لینے کی کوشش کر رہا تھا۔
اس متعلق پولیس نے کارروائی کو انجام دیتے ہوئے مقدمہ درج کرکے اس شخص کو جیل بھیج دیا ہے۔
پولیس جانچ رپورٹ کے مطابق 'ملزم سراج ولد بھورا جو کہ کاشی پور آنگا کا رہنے والا ہے۔ اس معاملے میں تھانہ گنج رامپور پر مقدمہ نبر 10/20 دفعہ 66 اے اطلاعات و ٹیکنالوجی ترمیمی ایکٹ کے تحت معاملہ درج ہوا تھا۔'
آج پولیس اسٹیشن گنج کے ذریعہ ملزم سراج کو گرفتار کر لیا گیا۔ جس کے قبضہ سے ایک عدد ناجائز طمنچہ 12 بور مع دو زندہ کارتوس برآمد ہوئے۔
اس معاملے میں تھانہ گنج رامپور میں مقدمہ نمبر 13/20 دفعہ 3/25 آرمز ایکٹ کا مقدمہ درج کرکے کارروائی کی گئی۔
