'بی جے پی کے دور حکومت میں اب برہمن طبقہ بھی محفوظ نہیں'

اوم پرکاش راج بھر نے کہا کہ بی جے پی حکومت میں پسماندہ ، دلت اور کمزور طبقات کے ساتھ قتل، ڈکیتی، عصمت دری کے واقعات منظرعام پر آ رہے تھے، لیکن گزشتہ کچھ مہینوں سے برہمن معاشرہ بھی ان واقعات کی گرفت میں آگئے ہیں۔

ریاست اترپردیش کے ضلع غازی پور کے سہیل دیو بھارتیہ سماج پارٹی کے صدر اوم پرکاش راج بھر ہفتے کے روز غازی پور پہنچے، جہاں نہوں نے ضلع کے علاقے چندن واہا میں کارکنان سے خطاب کیا۔

اس دوران انہوں نے یوگی حکومت کے نوجوانوں کو روزگار دینے کے دعوؤں پر سوال اٹھایا، انہوں نے کہا کہ 90 فیصد پاگل یوپی اسمبلی کے ایوان میں بیٹھے ہیں، انہوں نے وزیر اعظم مودی کو ملک کا سب سے بڑا جھوٹا رہنماء قراردیا۔

راج بھر کا کہنا ہے کہ بی جے پی حکومت میں پسماندہ ، دلت اور کمزور طبقات کے ساتھ قتل، ڈکیتی، عصمت دری کے واقعات منظرعام پر آ رہے تھے، لیکن پچھلے کچھ مہینوں سے برہمن معاشرہ بھی ان واقعات کی گرفت میں آگئے ہیں۔

اوم پرکاش نے وزیراعلیٰ یوگی کے سرکاری ملازمتوں میں پانچ سالہ معاہدہ نظام متعارف کروانے پر نکتہ چینی کی۔

انہوں کہا کہ یوگی حکومت میں نائب وزیراعلی کیشیو پرساد موریہ اسے زبان مخالف قرار دے رہے ہیں۔

راج بھر نے کہا کہ جب نوجوانوں نے پوری طاقت کے ساتھ اس معاملے کے خلاف احتجاج کیا تو حکومت نے راہ فرار اختیار کر لیا، حکومت نے اس معاملے سے یو ٹرن لے لیا ہے۔

اس دوران وزیراعظم پر نکتہ چینی کرتے ہوئے کہا کہ وہ دنیا کے سب سے زیادہ جھوٹ بولنے والے رہنما ہیں۔