اتر پردیش کے میرٹھ میں وکیل اوم کار کی خودکشی معاملے میں ملزمان کی گرفتاری نہ ہونے سے ناراض اتر پردیش بار ایسوسیشن کے تمام وکلاء ایک دن کے ہڑتال پر ہیں۔
واضح رہے کہ گزشتہ دنوں وکیل اوم کار کے خود کشی کرنے کے معاملے میں بی جے پی کے رکن دنیش کھٹیک کے علاوہ 14 لوگوں کے خلاف ایف آئی آر درج ہونے کے باوجود ایک بھی ملزم کی گرفتاری نہیں ہو سکی ہے۔
وہیں ایک بھی ملزم کی گرفتاری نہ ہونے سے میرٹھ کے وکلاء کے علاوہ اتر پردیش کے تمام اضلاع کے وکیل ناراض ہیں۔
وکلاء کا کہنا ہے کہ جب تک ملزمان کی گرفتاری نہیں ہو جاتی تب تک ان کی ہڑتال جاری رہے گی۔
یہ بھی پڑھیں: نیتی آیوگ کا چھٹا اجلاس: 'قوم کے مزاج کا پتہ چل چکا ہے'
انہوں نے پولیس اور انتظامیہ کو انتباہ دیتے ہوئے کہا کہ دو دنوں کے اندر گرفتاری نہیں کی گئی تو میرٹھ بار ایسوسیشن کے ساتھ مغربی اتر پردیش کے تمام اضلاع کے وکیل ہڑتال پر چلے جائیں گے اور ان کی یہ تحریک تب تک جاری رہے گی، جب تک ملزمان کی گرفتاری نہیں ہو جاتی۔
