ریاست اترپردیش کے سہارنپور میں واقع دیوبند کی خواتین آج بی جے پی رہنما ریکھا شرما کی قیادت میں ایس ڈی ایم دفتر پہنچی،
جہاں ایک خواتین نے ایس ڈی ایم سے زمیں مافیاؤں کے خلاف شکایت درج کرتے ہوئے کہا کہ جی ٹی روڈ پر واقع سائی دھام کے نزدیک ایک کالونی میں انہوں نے کچھ سال قبل ایک پلاٹ خریدا تھا لیکن اب وہ زمین میرے قبضے میں نہیں ہے۔
وہیں گاﺅں بی بی پور کے غازی آباد کے رہنے والے ایک ٹیچر نے بتایا کہ اس کا بھی پلاٹ زمین مافیاؤں نے قبضہ کرلیا ہے ۔
اسی کے ساتھ کرڈی گاؤں کی رہنے والی سرسوتی نے ایس ڈی ایم کو بتایا کہ ان کا بھی پلاٹ زمین مافیاؤں نے قبضہ کر لیا ہے، جس کو آزاد کرانے کے لئے دیوبند کوتوالی میں تحریر دی تھی، لیکن پولیس نے کسی کے دباﺅ میں ان کی تحریر پر کوئی کارروائی ابھی تک نہیں کی ہے۔
بی جے پی رہنما ریکھا شرما نے انتباہ دیتے ہوئے ایس ڈی ایم سے کہا کہ اگر انہیں ان کے پلاٹ نہیں دلائے گئے تو وہ تحریک چلانے پر مجبور ہوں گی، جس کے بعد ایس ڈی ایم دیوبند نے فوراً تھانہ انچارج کو تحقیق کرکے کارروائی کے احکامات جاری کئے ہیں۔
