رسولی پی ایچ سی میں سی ڈی او میدھا روپم نے باقاعدہ اس کا افتتاح کیا۔ اس پکھواڑے کے تحت پہلی دفعہ عورتوں اور بچوں کی صحت کو بہتر بنانے اور تغذیہ کی کمی سے دور رکھنے کے لئے مردوں کی حصہ داری طئے کی جائے گی۔
دیکھیں ویڈیو
افتتاحیہ تقریب میں محکمہ صحت اور محکمہ آئی سی ڈی ایس کی جانب سے صحت میلے کا اہتمام کیا گیا، جس میں خواتین سے متعلق مسائل پر ان کی کاؤنسلنگ کی گئی اور ضروری اشیاء بھی تقسیم کی گئی، کیوں کہ اس پروگرام میں مردوں کی حصہ داری بڑھائی جانی ہے۔ اسلئے مردوں کو خصوصی طور پر مدعو کیا گیا تھا۔
پروگرام میں بہتر کام کرنے والی تین آنگن واڑیوں کو اعزاز سے سرفراز کیا گیا۔
اس موقع پر رکن پارلیمان نے وہاں موجود تمام افراد کو تغذیہ کے لئے حلف بھی دلایا۔ پروگرام میں رکن پارلیمان اوپیندر راوت نے وہاں موجود مردوں سے اپیل کی کہ وہ خواتین کے کاموں میں شریک ہوں۔
