پیر کی رات ڈسٹرکٹ اسپتال میں نرس اور ڈاکٹر کے مابین کہا سنی ہوئی، معاملہ اس قدر بڑھ گیا کہ دونوں کے مابین لڑائی شروع ہوگئی۔ دونوں کے درمیان بدسلوکی اور ہاتھا پائی بھی ہوئی۔ نرس نے ڈیوٹی پر ڈاکٹر کو زوردار تھپڑ مارا ، جبکہ ڈاکٹر بھی نرس کے ساتھ مار پیٹ کی۔ اس واقعے کی ویڈیو سوشل میڈیا پر خوب وائرل ہو رہی ہے۔
کورونا وبا کے دوران ریٹائرڈ سی ایم ایس بی ایم ناگر اپنی خدمات ڈسٹرکٹ ہسپتال میں دے رہے ہیں۔ وائرل ویڈیو میں دیکھا جاسکتا ہے کہ بی ایم نگر کے گال پر ایک نرس نے زوردار تھپڑ مارا۔ پہلے نرس نے تھپڑ مارا ، پھر اس کے بعد ڈاکٹر نرس کے ساتھ مار پیٹ شروع کر دی۔ اس واقعے میں دونوں فریق ایک دوسرے پر الزامات عائد کررہے ہیں۔
وہیں اسپتال انتظامیہ اس معاملے کو دبانے کی کوشش کر رہی ہے۔
میونسپل مجسٹریٹ رامجی مشرا کے مطابق دونوں پر اپنے اپنے الزامات ہیں۔ نرس اور ڈاکٹر دونوں کو منگل کو بلایا گیا ہے۔ دونوں کا مسئلہ سنا جائے گا۔
وہیں دونوں فریق کا کہنا ہے کہ اسپتال میں بھیڑ بڑھ رہی تھی، کام کا دباؤ زیادہ تھا، تو اس وقت دونوں کی ذہنی حالت مستحکم نہیں تھی۔
رامجی مشرا نے کہا کہ دونوں کو سمجھنے کی کوشش کی جارہی ہے۔ جلد ہی معاملہ حل کیا جائے گا۔
