کورونا کی وجہ سے مسلم دوستوں کے گھر سوئیاں کھانے نہیں جاسکے

عیدالفطر کا تہوار ایک دوسرے کو گلے لگانے کا ہوتا ہے لیکن اس مرتبہ کورونا وائرس کی وجہ سے ایسا نہیں ہوسکا، لیکن لوگ سماجی فاصلے کے ساتھ ایک دوسرے کو مبارکباد دے رہے ہیں۔

اترپردیش کے ضلع مئو میں کچھ افراد کو اس بات کا ملال ہے کہ وہ اپنے مسلم دوستوں کے گھر سوئیاں کھانے نہیں جا سکے۔

ہر سال ان کا معمول تھا کہ عید کے موقع پر سوئیاں کھانے جانا اور اپنے دوستوں کو ہولی اور دیوالی پر اپنے گھر دعوت میں بلانا ، لیکن کورونا وائرس کے خطرے سے یہ سلسلہ اس بار ٹوٹ گیا ہے۔

دوست افسوس ظاہر کر رہے ہیں کہ اس بار کی عید پھیکی پڑ گئی ہے۔ امید ہے کہ آئندہ برس دگنی خوشی کے ساتھ دوستوں کے گھر سوئیاں کھائیں گے۔ پیشے سے لکچرر اور سماجی تنظیم امید فاؤنڈیشن کے سرپرست ڈاکٹر منوج سنگھ کہتے ہیں کہ ملک کے تانے بانے کی بنیاد ہی گنگا جمنی تہذیب ہے ، ہمیں اسے سنجو کر رکھنا ہے۔ منوج کی طرح ہی دوسرے دوست بھی کافی مایوس ہیں۔