بارہ بنکی میں میں پرچوں کی نامزدگی شروع

ریاست اتر پردیش کے ضلع بارہ بنکی میں پانچویں مرحلہ کی ووٹنگ 5 مئی کو ہوگی جس کے لیے پرچۂ نامزدگی کا آغاز آج سے ہوگا۔

پرچہ نامزدگی ایڈیشنل ڈسٹرکٹ مجسٹریٹ کے دفتر میں داخل کیا جائے گا۔ اس کے لیے انتظامیہ نے سخت حفاظتی بندوبست کیے ہیں۔

ایس پی اجئے ساہنی نے بتایا کہ سکیورٹی وجوہات کے مد نظر ایک ایڈیشنل ایس پی کی نگرانی 4 سی او اور 10 تھانہ دار تعینات رہیں گے۔

ضلع مجسٹریٹ ادئے بھانو ترپاٹھی نے بتایا کہ پرچہ نامزدگی کے لیے تمام تیاریاں مکمل کرلی گئی ہیں اور جو بھی شخص الیکشن کمیشن کی ہدایات کی خلاف ورزی کرے گا اس کے خلاف سخت سے سخت کاروائی کی جائیگی۔