ریاست اتر پردیش کے شہرنوئیڈا سے کانگریس سٹی صدر شہاب الدین کی قیادت میں آج سٹی مجسٹریٹ آفس سیکٹر 19 نوئیڈا میں بی جے پی حکومت کی طرف سے کانگریس کے سینئر رہنماؤں اور کارکنان کے خلاف جھوٹے مقدمات درج کرنے کے خلاف ایک یادداشت پیش کی گئی۔
پارٹی کے ترجمان پون شرما نے میڈیا سے بات چیت کرتے ہوئے کہا کہ یہ میمورنڈم سٹی مجسٹریٹ کے ذریعے گورنر کو پیش کیا گیا ہے ، جس میں مطالبہ کیا گیا ہے کہ ریٹائرڈ مجسٹریٹ کی جانب سے منصفانہ تحقیقات کرائی جائیں اور کانگریس رہنماؤں کے خلاف درج جھوٹے مقدمات واپس لئے جائیں۔
سٹی صدر شہاب الدین نے بتایا کہ بی جے پی حکومت کانگریس کے سینئر رہنما اور سابق رکن پارلیمنٹ پرمود تیواری اور ان کی بیٹی رکن اسمبلی ارادھنا "مونا" مشرا اور کانگریس کارکنان کے خلاف جھوٹے مقدمات درج کر کے دھمکانے کا کام کر رہی ہے۔
ریاستی جنرل سکریٹری ودیت چودھری نے کہا کہ کانگریس پارٹی کے رہنما اور کارکنان بی جے پی حکومت کی عوام مخالف پالیسیز، ریاست میں امن و امان کی بگڑتی صورتحال،دلتوں اور اقلیتوں پر مظالم، بی جے پی حکومت کی جانب سے کی گئی بدعنوانیوں کو عوام کے سامنے لے کر آرہے ہیں ۔جسے بی جے پی حکومت برداشت نہیں کر پا رہی ہے۔ یہی وجہ ہے کہ کانگریس قائدین کے خلاف جھوٹے مقدمات درج کئے جا رہے ہیں۔ کانگریس ماضی میں بھی یہ لڑائی عوام کی مدد سے لڑتی رہی ہے اور آئندہ بھی لڑے گی۔
مزید پڑھیں:
نوئیڈا: کانگریس نے پنچایت انتخابات کی بحالی کا مطالبہ کیا
اس احتجاج میں اتر پردیش کانگریس کے جنرل سکریٹری ودیت چودھری،مکیش یادو، لیاقت چودھری،پرشوتم نگر، پون شرما،گوتم آوانا ، للت آوانا ،پھیر سنگھ ناگر سنجے تنیجا، ابھیشیک جین، مدھوراج ،ڈاکٹر سیما ،ویرو دیوی، منویندر کور، ایس ایس رانا، ستیندر شرما ، اشوک شرما،راجن بشت، دیشکر پانڈے، یتیندر شرما، رام کمار شرما، رضوان چودھری، جتیندر امباواٹ ، وکرم چودھری ، اشرف، جیتو شرما، ویرو دیو ،منیندر کور،راجندر بھرادواج ، جیسن چودھری، جیوتی پال، محمد گڈو، جاوید خان، اپدیش سریواستو ،آر کے پراتھم، راہل ، فیضان، رشبھ، سچن، دلشاد،راجکشور،دھیراج دیگر کارکنان نے شرکت کی-
