اتر پردیش کی نوئیڈا پولیس نے ایک بڑے گینگ کا پردہ فاش کیا ہے۔ یہ گروہ 20 سال سے جعلی مارک شیٹ اور ڈگریاں بنا رہا تھا۔ پولیس نے گروہ کے دو ارکان کو گرفتار کر لیا ہے۔ دونوں بدمعاش صرف 12ویں پاس ہیں۔ اس پورے معاملے کا انکشاف کرتے ہوئے نوئیڈا کے ایڈیشنل ڈی سی پی رنوجے سنگھ نے جانکاری دی۔ انہوں نے بتایا کہ آخر یہ ملزمان جعلی ڈگریاں اور مارک شیٹ کیسے بناتے تھے۔' Noida Police arrested Two People for Trading fake degrees
رنوجے سنگھ نے بتایا کہ 'پولیس نے عبد الصمد اور عادل کو گرفتار کر لیا ہے۔ ان میں سے عبد الصمد غازی آباد کا رہنے والا ہے اور عادل دادری کا رہنے والا ہے۔ نوئیڈا کے ایڈیشنل ڈی سی پی نے بتایا کہ یہ ملزمان 3 سے 4 ہزار روپے میں فرضی ڈگری دیتے تھے۔ ملزمان جعلی ڈگریاں اور مارک شیٹ بنانے کے لیے کورل ڈرا سافٹ ویئر استعمال کرتے تھے۔
یہ بھی پڑھیں: مدھیہ پردیش: جعلی ڈگری کے ساتھ ڈاکٹر گرفتار
پولیس کے موصولہ اطلاعات کے مطابق یہ ملزمان اب تک 10 ہزار سے زائد لوگوں کی جعلی مارک شیٹ اور ڈگریاں بنا چکے ہیں۔ اس طریقے سے ان دونوں ملزمان نے براہ راست 4 کروڑ روپے سے زیادہ کی کمائی کی ہے۔
