نوئیڈا میں ڈی ڈی آر ڈبلیو اے حکام نے چیئرمین این پی سنگھ کی سربراہی میں آر ڈبلیو اے کے لوگوں اور سماجی تنظیموں کے ساتھ کوتوالی فیز ٹو انچارج انیتا چوہان کا خیرمقدم کیا۔
اس دوران انیتا چوہان کے ساتھ سیکیورٹی سے متعلق مسائل پر تبادلہ خیال کیا گیا۔ ڈی ڈی آر ڈبلیو اے کے میڈیا انچارج راگھویندر دبے نے مطالبہ کیا کہ کوتوالی انچارج سیکٹروں میں گشت میں اضافہ کریں، ماہ میں دو بار آر ڈبلیو اے سے ملاقات کریں جس سے سیکٹروں کے اندر اور باہر منشیات کے عادی افراد کے جرائم پر قابو پانے میں بہت مدد ملے گی۔
انہوں نے مزید کہا 'ہماری گذارش ہے کہ رات کے وقت گشت پر مامور پولیس اہلکار سیکٹروں کے محافظوں سے فیڈ بھی لیتے رہیں، جس سے غیر سماجی سرگرمیوں کو روکنے میں مدد ملے گی'۔
یہ بھی پڑھیے
دہلی فساد: پولیس نے چارج شیٹ داخل کی
اس کے ساتھ ساتھ انہوں نے کرایہ داروں کی پولیس تصدیق وغیرہ سے متعلق مسائل سے بھی آگاہ کیا گیا۔
چیئرمین این پی سنگھ نے کہا 'آر ڈبلیو اے کے لوگ آپ کی آنکھیں، ناک اور کان ہیں۔ لہذا آپ ان سے جو بھی تعاون حاصل کریں گے اس کے لئے وہ ہمیشہ تیار رہیں گے۔ بہتر ہم آہنگی جرائم کی روک تھام کا کام کرے گی'۔
