نوئیڈا میں دفعہ 144 اور پابندیاں نظر انداز

کوروناوائرس کے سبب نوئیڈا میں دفعہ 144 اور سرکاری احکامات کی دھجیاں اڑائی جارہی ہیں۔

کورونا وائرس کے پھیلاؤ کے ممکنہ خدشے کے پیش نظر اترپردیش کے نوئیڈا کمیشنریٹ میں گزشتہ دنوں دفعہ 144 نافذ کیا گیا ہے۔

نوئیڈا میں دفعہ 144 اور حکومتی پابندیوں کی دھجیاں اڑائی جارہی ہیں

دفعہ 144 کے نفاذ کے تحت کہیں بھی 4 سے زائد افراد جمع نہیں ہوسکتے ہیں۔لیکن نوئیڈا میں یہ سب ہوا ہوائی ثابت ہو رہا ہے۔

دفعہ 144 کی خلاف ورزی عروج پر ہے۔ حکومتی پابندیوں کی دھجیاں اڑائی جا رہی ہیں جبکہ انتظامیہ نے چپ سادھ لی ہے ۔نوئیڈا کے سیکٹر 45 صدر پور میں بلا خوف وخطر سوم بازار لگایا گیا،جہاں دوکانیں لگائیں گیئں اور خریداری کے لئے لوگوں کی بھیڑ ڈی ایم کے آرڈر کی کھلی خلاف ورزی کی عکاسی کر رہی ہے۔

نوئیڈا میں دفعہ 144 اور حکومتی پابندیوں کی دھجیاں اڑائی جارہی ہیں

یہ سب پولیس اور انتظامیہ کی آنکھوں کے سامنے ہو رہا ہے، اس میں کچھ بھی پوشیدہ نہیں ہے ۔ اس کے علاوہ ایک پیٹرول پمپ پر بھی درجنوں کی بھیڑ موجود پائی گئی۔ ایسے بازاروں میں ہزاروں کی تعداد میں لوگ روز مرہ کی ضروریات کے سامان کے لئے آتے ہیں۔

نوئیڈا میں دفعہ 144 اور حکومتی پابندیوں کی دھجیاں اڑائی جارہی ہیں

بتاتے چلیں کہ نوئیڈا میں مختلف سیکٹروں میں یومیہ بازار لگائے جاتے ہیں جہاں غریب اور مزدور طبقے کے لوگوں کے لئے لیے سستی اور مناسب قیمتوں پر چیزیں دستیاب رہتی ہیں۔
لیکن دفعہ 144 کے نفاذ کے بعد بھی بازار لگنا پولیس اور مقامی انتظامیہ کی ناکامی کا منہ بولتا ثبوت ہے اور یہ بھی ظاہر ہوتا ہے کہ کورونا کے خلاف جنگ محض کاغذی ہے۔ عملی طور پر چوکسی نظر نہیں آرہی ہے۔

نوئیڈا میں دفعہ 144 اور حکومتی پابندیوں کی دھجیاں اڑائی جارہی ہیں

نوئیڈا و اطراف میں کورونا وائرس کی روک تھام کے پیش نظر دفعہ 144 کے تحت بھیڑ جمع کرنے اور شادی و دیگر تقریبات کا انعقاد کرنے پر پابندی عائد کردی گئی ہے۔لیکن پابندی کے باوجود اس طرح کے مجمع سے کورونا وائرس کے پھیلنے کا خدشہ ظاہر کیا جا رہا ہے۔