اترپردیش کے نوئیڈا ضلع انتظامیہ کی جانب سےضابطہ شکنی غیر قانونی کان کنی اور اوورلوڈنگ کو روکنے کے لئے ایکشن لیا جارہا ہے۔ تاکہ پورے ضلع میں این جی ٹی کے قواعد پر عمل درآمد کو یقینی بنایا جا سکے۔
اس سلسلے میں کاروائی کرتے ہوئے ڈپٹی ڈسٹرکٹ مجسٹریٹ جیور راجیو رائے نے ریت لے جانے والے سات اوورلوڈ ٹرکز کو ضبط کیا۔ اس کے ڈرائیورز موقع پر ہی ٹرکز کو چھوڑ کر فرار ہو گئے۔
ڈپٹی ڈسٹرکٹ مجسٹریٹ جیور نے مزید کارروائی کے لئے تمام ٹرکز کو جیور پولیس کے حوالے کردیا ہے۔
ڈپٹی ڈسٹرکٹ مجسٹریٹ ، جیور راجیو رائے نے کہا کہ کسی بھی غیر قانونی کان کنی اور اوورلوڈنگ گاڑیوں کو سڑک پر چلنے کی اجازت نہیں ہوگی۔ قواعد کو نظر انداز کرنے والوں کے خلاف سخت کاروائی کی جائے گی۔
