کانگریس اقلیتی سیل نے تھالی اور تالی بجا کر احتجاج کیا

کانگریس اقلیتی سیل کے صدر دانش سیفی دانش سیفی نے کہا کہ افراط زر میں مسلسل اضافہ ہو رہا ہے۔ ایل پی جی سے لے کر خورد و نوش کی قیمتوں میں اضافہ ہو رہا ہے لیکن حکومت لوگوں کو راحت دینے کے لئے کوئی اقدامات نہیں کر رہی ہے۔

نوئیڈا کانگریس اقلیتی سیل کے صدر دانش سیفی اور خواتین سیل کی صدر اوشا شرما کی قیادت میں مہانگر کانگریس پارٹی کے عہدیداروں نے بڑھتی مہنگائی اور سرکار کے آمرانہ رویہ کے خلاف تالیاں اور تھالی بجاتے ہوئے مظاہرہ کیا۔ کانگریسی رہنما تالی اور تھالی بجاتے ہوئے سیکٹر 19 سٹی مجسٹریٹ کے دفتر پہنچے اور گورنر کے نام میمورنڈم پیش کیا۔

کانگریس اقلیتی سیل کے صدر دانش سیفی دانش سیفی نے کہا کہ افراط زر میں مسلسل اضافہ ہو رہا ہے۔ ایل پی جی سے لے کر خورد و نوش کی قیمتوں میں اضافہ ہو رہا ہے لیکن حکومت لوگوں کو راحت دینے کے لئے کوئی اقدامات نہیں کر رہی ہے۔

ریاستی ممبر ستیندر شرما نے کہا ہے کہ حکومت صرف جملہ کی سرکار ثابت ہو رہی ہے۔ یوتھ کانگریس کے ضلعی صدر پرشوتم ناگر نے کہا ہے کہ پٹرول اور ڈیزل مہنگا ہوتا جا رہا ہے۔ مہنگائی کے باعث تمام چیزیں عوام کی دسترس سے دور ہوتی جا رہی ہیں۔ سرکار اپنے میں مست ہے۔

اس موقع پر ریاستی اقلیتی جنرل سکریٹری لیاقت چودھری ، سابق صدر مکیش یادو ، تنظیم کے نائب صدر للت آوانا ، رام کمار شرما ، کملا آوانا ، پریانکا سنگھ ، ششی بشٹ ، نازیہ خان ، شہناز خان ،وجئے لکشمی اور دیگر کارکنان موجود تھے۔