ماں کو گود میں لیے ہسپتال میں بھٹکتا رہا بیٹا

ریاست مدھیہ پردیش کے ضلع چھتر پور میں ایک بڑے ہسپتال میں ایک بار پھر انسانیت کو شرم سار کر دینے والا معاملہ سامنے آیا ہے، جہاں اسٹریچر نہ ملنے پر ایک بیٹا اپنی ماں کو گود میں اٹھا کر بھٹکتا رہا۔

سربئی تھانہ علاقے کے ایک چھوٹے سے گاؤں سے تعلق رکھنے والے امت کی ماں کے پیر میں چوٹ لگ گئی تھی۔ امت اپنی ماں کو چھتر پور کے ضلع ہسپتال لے کر آئے۔ امت کی ماں کے پیر میں پٹی باندھ دی گئی، لیکن پھر بھی ان کے پیر میں درد ہو رہا تھا۔ انہیں چلنے میں تکلیف تھی۔ لیکن انہیں اسٹریچر نہیں ملا جس کی وجہ سے امت نے انیں گود میں لے کر ادھر ادھر بھٹکتا رہا۔

اپنی ماں کو گود میں اٹھا کر کافی دیر تک ہسپتال کے اندر بھٹکتا رہا جب اسے لگا کہ اسٹریچر نہیں ملے گا تو اس نے اپنی ماں کو گود میں اٹھایا اور ضلع ہسپتال کے باہر نکل آيا۔ اس کے بعد ماں کو بائک پر بیٹھا کر اپنے گاؤں واپس چلا گیا۔