ریاست اتر پردیش کے دارالحکومت لکھنؤ میں آج بھارت بند کا ملا جلا اثر دیکھنے کو ملا۔ وزیراعلی یوگی آدتیہ ناتھ نے پہلے ہی اعلی افسران کے ساتھ ویڈیو کانفرنسنگ کر کے سخت ہدایت جاری کر دی تھی۔
وزیر اعلی نے کہا تھا کہ 'بھارت بند کے نام پر کوئی بھی زبردستی دکان یا بازار بند نہیں کروا سکتا۔'
دراصل لکھنؤ میں صبح سے ہی پولیس اور ضلع انتظامیہ نے ریلوے اسٹیشن، بس اڈہ اور سبھی چوراہوں پر سخت اقدامات کئے تھے تاکہ کسی بھی صورتحال پر قابو پایا جا سکے۔
شہر کے 'پریورتن چوک' پر بائیں بازو کے کارکنان نے مودی حکومت کے خلاف نعرے بازی کی لیکن پولیس نے انہیں وہیں پر روک کر حراست میں لے لیا۔ اس کے بعد شہر میں حکومت کے خلاف احتجاج دیکھنے کو نہیں ملا۔
لکھنؤ میں پولیس نے سخت اقدامات کیے تھے لیکن عوام بھارت بند کے اعلان کی وجہ سے باہر نہیں نکلیں لیکن وقت گزرنے کے ساتھ ہی تقریبا سبھی بازار و دکان پہلے کی طرح کھلے رہیں۔
یہ بھی پڑھیں: ملک بھر میں بھارت بند مؤثر
قابل ذکر ہے کہ گذشتہ روز سماج وادی پارٹی کے قومی صدر اکھلیش یادو نے نئے قوانین کے خلاف احتجاج کیا، جس کے چلتے پولیس نے انہیں حراست میں لے لیا تھا۔ آج کانگریس پارٹی نے مودی حکومت کے خلاف احتجاج کیا لیکن پولیس و ضلع انتظامیہ نے پہلے سے ہی حفاظتی اقدامات کر رکھے تھے۔
