میر ٹھ میں قبرستان کے دروازے بند

میر ٹھ میں شب برات کے مد نظر شہر کے تمام قبرستان میں تا لا بندی کر دی گئی ہے، صرف جنازہ رکھنے کیلئے ہی مسلمان قبرستان آسکتے ہیں۔ لاک ڈاؤن کے پیش نظر یہ احتیاطی قدم اٹھا یا گیا ہے۔

شب برات کے موقع پر مسلمان اس رات کی فضیلت کا احترام کرتے ہوئے عبادت کرتے ہیں اور مرحومین کی مغفرت کے لیے قبرستانوں میں دعا پڑھتے ہیں اور ایصال ثواب کرتے ہیں، لیکن لاک ڈاؤن کے پیش نظرعلماء کرام نے لوگوں سے اپیل کی ہے کہ لوگ اپنے گھروں میں ہی عبادت کریں۔

میرٹھ میں شہر کے بڑے قبرستانوں کے دروازوں کو بند کر دیا گیا ہے اور صرف جنازے کی تدفین کے لیے ہی کھولا جا رہا ہے۔

قبرستان

ملک میں كورونا وائرس کے خطرے كو دیکھتے ہوئے حکومت کی جانب سے لاک ڈاؤن لگایا جانا ایک احتیاطی قدم ہے، اگر سبھی مذاہب کے لوگ اس پر عمل کریں تو يقینی طور پر اس وائرس كو ہم ناکام کر سکتے ہیں۔