حالانکہ اس ضمن میں محکمہ صحت کی جانب سے مشتبہ افراد کی ابتدائی طبی جانچ کا کام متواتر جاری ہے۔ مئو کے ضلع اسپتال سمیت سبھی سرکاری اسپتالوں میں انفرا ریڈ تھرمل اسکینر کی مدد لی جا رہی ہے۔
باہر سے جو لوگ ضلع میں داخل ہو رہے ہیں انھیں طبی جانچ کے بعد ہی گھر جانے دیا جارہا ہے، اسی وجہ سے اسپتالوں کے باہر دیگر اضلاع سے آئے لوگوں کی کافی لمبی قطار دیکھنے کو مل رہی ہے۔
ابتدائی جانچ کے دوران اگر کسی بھی شخص میں کورونا کی کوئی بھی علامت پائی جاتی ہے تو اسے کورنٹائن کر مزید علاج کے لیے مخصوص وارڈ میں ریفر کردیا جاتا ہے۔
اسی کے ساتھ ساتھ اسپتال عملہ و ڈاکٹر ہر آنے والے کو کورونا وائرس سے تحفظ کے لیے احتیاط برتنے کے طریقے بتا رہے ہیں۔
وہیں پولس بھی عام آدمی کو لاک ڈاؤن پر عمل پیرا کرنے کے لیے بضد ہے۔ ضلع مئو میں قائم کیے گئے کورنٹائن سینٹر میں باہر سے آنے والے افراد کو پولیس کی نگرانی میں رکھا گیا ہے۔
