مظفر نگر: اترپردیش میں مذہب تبدیلی مخالف قانون بننے کے بعد مذہب تبدیلی کرنے کے واقعات میں تیزی آئی ہے۔ اسی درمیان مظفر نگر میں ایک بار پھر ایک مسلم خاندان کے 9 افراد نے سناتن دھرم کے رسم و رواج کو اپناتے ہوئے ہندو مذہب اختیار کر لیا۔ ان لوگوں کا کہنا ہے کہ سہارنپور کے رہنے والے ان کے آباؤ اجداد نے تقریباً ڈیڑھ سو سال قبل مذہب تبدیل کر کے اسلام قبول کیا تھا۔ ان لوگوں نے کہا کہ 'اسلام کی کٹر وادی سوچ' سے پریشان ہوکر خاندان کے 9 افراد نے آج پھر سے اپنے ہندو مذہب میں واپس آنے کا فیصلہ کیا۔ Nine Members of A Family Converted to Hindu Religion in Muzaffarnagar Uttar Pradesh
غور طلب ہے کہ یشور مہاراج نے اتر پردیش کے مظفر نگر ضلع کے بگھرا بلاک میں واقع یوگا سادھنا آشرم میں سہارنپور کے رہنے والے ایک خاندان کے 9 افراد کو ہندو مذہب قبول کروایا۔ اس کے بعد خاندان کے تمام افراد کو گنگاجل دیتے ہوئے، گلے میں جنیو ڈال کر اور گایتری منتر کا جاپ کرتے ہوئے اس خاندان کی ہندو مذہب میں شامل کیا۔ Conversion in Muzaffarnagar
