ریاست اترپردیش کے ضلع بارہ بنکی کے فتح پور میں نگر پنچایت کے ضمنی انتخابات میں نکہت مشکور کو 5 ہزار 553 ووٹ حاصل ہوئے جبکہ نکہت افروز کو 5 ہزار 294 ووٹ حاصل ہوئے۔
اس فتح کے بعد نکہت مشکور نے یقین دہانی کرائی ہے کہ وہ اپنے والدین کے نقش قدم پر چل کر فتح پور کی ترقی کریں گی اور عوام کو ہر ممکن مدد کی جائے گی۔
قابل ذکر ہے کہ فتح پور نگر پنچایت کی چئیرمین ریشما مشکور کا دو ماہ قبل انتقال ہوگیا تھا۔ اس کے بعد سے خالی ہوئے اس عہدے کے ضمنی انتخابات میں کل چار امیدوار میدان میں تھے۔ نکہت مشکور مرحومہ ریشما مشکور کی بیٹی ہیں۔ 14 جنوری کے باد آج ہوئی ووٹوں کی گنتی میں نکہت مشکور اور نکہت افروز کے درمیان کانٹے کی ٹکر رہی۔
پہلے دو راؤنڈ میں نکہت افروز آگے تھیں۔ تیسرے راؤنڈ میں نکہت مشکور آگے ہوئیں لیکن اگلے راؤنڈ میں وہ پھر پیچھے ہو گئیں۔ لیکن پانچوے اور آخری راؤنڈ میں نکہت مشکور 243 ووٹوں سے فتح حاصل کرنے میں کامیاب رہیں۔ انہوں یقین دہانی کرائی ہے کہ وہ سب کو ساتھ لے کر چلیں گی۔
