میرٹھ میں کورونا کا نئے اسٹرین ملنے سے خوف کا ماحول

برطانیہ میں کورونا وائرس کا نیا اسٹرین کے پائے جانے سے بھارت میں بھی اس کو لیکر احتیاط تدابیر اختیار کیا جا رہا ہے، خاص کر برطانیہ سے آنے والے افراد پر محکمہ صحت خاص نگرانی رکھ رہا ہے۔ کچھ روز قبل برطانیہ سے میرٹھ لوٹے ایسے ہی خاندان کے لوگوں کی جانچ کے دوران کورونا کا نیا اسٹرین ملنے سے ضلع انتظامیہ اور محکمہ صحت میں بے چینی کا ماحول ہے۔

برطانیہ سے میرٹھ پہنچے کورونا وائرس کا نیا اسٹرین ملنے سے میرٹھ میں خوف کا ماحول دیکھا جا سکتا ہے۔کچھ روز قبل برطانیہ سے لوٹے خاندان کے سبھی افراد کورونا مثبت پائے جانے کے بعد ان میں سے ایک ڈھائی سال کی بچی میں کورونا کا نیا اسٹرین ملنے سے میرٹھ کے ٹرانسپورٹ نگر علاقے کو ریڈ زون میں تبدیل کر دیا گیا ہے۔

اس پورے معاملے میں ضلع انتظامیہ کی جانب سے کورونا وائرس کے نئے اسٹرین کے ملنے کی تصدیق کی گئی ہے، جبکہ محکمہ صحت کی جانب سے کہا جا رہا ہے کہ جس طرح کا خوف اس اسٹرین کو لیکر کہا جا رہا ویسا کچھ دکھ نہیں رہا ہے۔

برطانیہ سے لوٹنے والے سبھی افراد پوری طرح سے صحت مند ہیں، احتیاط کے طور پر ان سبھی کو آئیسولیٹ کیا گیا ہے اور ہر آنے جانے والے پر خاص نظر رکھی جا رہی ہے تاکہ اس اثرات کسی اور میں پہنچ سکیں۔

میرٹھ میں کورونا کی نئی دریافت سے ایک طرف جہاں محکمہ صحت میں بے چینی ہے، وہیں عوام میں بھی اس نئے وائرس کا خوف صاف دیکھائی دے رہا ہے۔ ضرورت ہے ایسے ماحول میں محکمہ صحت کی گائیڈ لائن پر پوری طرح عمل کرنے کی تاکہ کسی نئی انہونی سے بچا جا سکے۔