سہارنپور: ضلع ہسپتال میں ڈاکٹروں کی غفلت سامنے آئی

سہارنپور ضلع ہسپتال میں ڈاکٹروں کی لاپرواہی ایک مرتبہ پھر سامنے آئی ہے، آج ضلع ہسپتال میں ڈاکٹروں کی لاپرواہی کے سبب ایک خاتون نے باہر فرش پر ہی بچے کو جنم دے دیا۔

ریاست اتر پردیش کے سہارنپور ضلع ہسپتال میں ایک حاملہ خاتون کا علاج چل رہا تھا، حاملہ خاتون کی تبیعت کچھ بہتر ہونے پر گھر روانہ کیا گیا لیکن جیسے ہی خاتون کی ڈیلیوری کا وقت قریب آیا تو اہل خانہ نے خاتون کو ہسپتال پہنچا دیا لیکن ڈاکٹروں نے اس قدر غفلت برتی جسے دیکھ کر سب حیران ہیں۔

حاملہ خاتون نے باہر فرش پر ہی بچے کو جنم دے دیا، وہیں قریب بیٹھی ایک خاتون نے فرش پر بچے کو جنم دینے والی خاتون کی ویڈیو بنائی جو سوشل میڈیا پر وائرل ہوگئی۔

جس کے بعد سی ایم ایس نے اپنی صفائی دیتے ہوئے خود کو پورے معاملہ سے بچانے کی کوشش کی ہے۔ حالانکہ اس لاپرواہی کے سبب خاتون اور بچے کی جان بھی جاسکتی تھی۔ اس بابت سی ایم ایس نے بتایا کہ ' میں نے مذکورہ خاتون کو لیبر روم میں رکنے کو کہا لیکن اس نے توجہ نہیں دی، سب کچھ اچانک ہوگیا۔