صحت مند زندگی کے لئے صفائی ستھرائی کی خاص اہمیت ہے۔ اس پیغام کو عوام تک پہنچانے اور عوامی شعور کو بیدار کرنے کے لئے نیشنل کیڈٹ کارپس کا قافلہ سڑک پر نکلا ہے۔
یہ میگا ریلی مشرک کے اسوم سے شروع ہو کر دہلی تک جائے گی۔ اسی سلسلہ میں یہ ریلی بریلی پہنچی اور لوگوں سے اپنے اطراف میں صفائی رکھنے کی اپیل کی۔
یہ ریلی اترپردیش کے تمام اضلاع کا دورہ کرتے ہوئے ضلع بریلی پہنچی۔ یہاں ریلی کے گروپ کمانڈر بریگیڈیئر نیرج سیٹھ اور کمانڈ آفیسر کرنل امرجیت واسو دیو نے خیر مقدم کیا۔ 25 ویں یوپی این سی سی کے کمانڈ آفیسر کرنل ہرمیت سنگھ نے آٹھویں کور کی ٹریننگ آفیسر میجر شویتا سنگھ کو صفائی کی علامتی نشان پیش کی۔
شہر میں ریلی شروع ہو کر مختلف راستوں سے ہوتی ہوئی کینٹ آرمی پبلک اسکول اور پھر چوکی چوراہے پر پہنچی۔ یہاں پر ڈرامے کے ذریعے لوگوں کو صفائی کے تئین بیدار رہنے کا پیغام دیا گیا۔
اس کے بعد ریلی ایوب خان چوراہہ، نگر نگم، کالی باڑی، ہولی چوراہہ، ساہو رام سواروپ، مٹھ کی چوکی سے تھانہ پریم نگر ہوتے ہوئے اینٹ پجایا چوراہے سے بریلی کالج پہنچی۔
