اس مہم کے تحت نو وینڈنگ زون میں لگی تمام دکانوں کو جے سی بی سے توڑا گیا اور اس دوران باقی سامان کو نگر پالیکا کے ملازمین اپنے ساتھ لے گئے۔
نگر پالیکا کی اس کارروائی سے متعدد افراد کی روزی روٹی کا ذریعہ ضرور چھن گیا لیکن لاک ڈاؤن کی وجہ سے وہ اپنا سامان بھی نہیں بچا پائے۔
ریاستی حکومت کی جانب سے نافذ 55 گھنٹوں کے لاک ڈاؤن شروع ہونے کے ساتھ ہی نگر پالیکا کے اہلکاروں نے ناجائز قبضہ ہٹانے کی مہم شروع کی۔
اس مہم کے دوران کچہری روڈ کی دونوں پٹریوں پر نو وینڈنگ زون میں لگی تمام ہورڈنگس اور دکانوں کو توڑ ڈالا گیا۔ بانس بلی کے سہارے لگی جھونپڑیوں کو توڑ ڈالا گیا اور گمٹیوں کو جے سی بی سے اٹھاکر لے جایا گیا۔
اس کارروائی میں غریب دکانداروں کے نقصان کا ذرا بھی خیال نہیں کیا گیا۔
لاک ڈاؤن نافذ ہونے کی وجہ سے ان دکانداروں کو اپنا سامان بچانے کا موقع تک نہیں مل سکا۔ نگر پالیکا کے ملازمین نے جوس نکالنے کی مشینوں تک کو اس بے حسی سے رکھا کہ وہ بھی ٹوٹ گئیں۔
