سوامی وویکانند کی زندگی پر سیمینار

بارہ بنکی میں قومی یوم نوجوان جوش و خروش کے ساتھ منایا گیا اس موقع پر مختلف تنظیم اور اداروں کی جانب سے الگ الگ پروگرام کا انعقاد کیا گیا۔

ریاست اترپردیش کے ضلع بارہ بنکی کے جواہر لعل نہرو میموریل ڈگری کالج میں قومی یوم نوجوان کے موقع پر سوامی وویکانند کی زندگی اور نفسیات موضوع پر سیمینار کا انعقاد کیا گیا۔

اس موقع پر مقررین نے طلبہ کو ان کے بتائے ہوئے راستے پر چلکر کامیابی حاصل کرنے کی اپیل کی۔

اس سے قبل سیمنار کے مہمان خصوصی اے ڈی ایم سندیپ کمار گپتا نے سوامی وویکانند کے مجسمے پر گل پوشی بھی کی۔

دوسری جانب سوامی وویکانند کی سالگرہ اور قومی یوم نوجوان کے موقع پر کانگریس کارکنان نے جمع ہوکر انہیں خراج عقیدت پیش کی اور ایک دوسرے کو مٹھائی کھلا کر خوشی کا اظہار کیا۔