ریاست اترپردیش کے ضلع مظفر نگر میں کلیکٹریٹ کے احاطے میں اسکول یونیفارم کو لے کر خواتین سیلف ہیلپ گروپ ٹیکسٹائل کے تاجروں اور درجنوں سے زائد کاریگروں نے ضلع انتظامیہ کو میمورنڈم پیش کیا.
انہوں نے کہا کہ ریاستی حکومت بچوں کے اسکول یونیفارم کے لیے ان کے والدین کے اکاؤنٹ میں رقم بھیج رہی ہے۔ جس کی وجہ سے اسکول یونیفارم کے کام کو انجام دینے والے خواتین سیلف ہیلپ گروپ ٹیکسٹائل کے تاجروں اور کاروباریوں پر اس کا خاصا اثر پڑ رہا ہے اور اس وجہ سے ہم سب بے روزگار ہوگئے ہیں۔
انہوں نے حکومت سے مطالبہ کرتے ہوئے کہا کہ کورونا وبا کے اس دور میں والدین کے اکاؤنٹ میں جو رقم اسکول یونیفارم کے لیے بھیجی گئی ہے۔والدین ان پیسوں کا استعمال دیگر اخراجات پورا کرنے کے لیے کرسکتے ہیں اور بچے یونیفار سے محروم ہوسکتے ہہیں، اسلیے ہم حکومت سے مطالبہ کرتےہیں کہ ہمارے کاروبار جو بند ہو چکے ہیں انہیں پھر سے شروع کیا جائے یا ہمیں اور کوئی دوسرا کاروبار مہیا کرایا جائے ۔جس سے ہم بھی اپنے بچوں کا آسانی کے ساتھ پیٹ بھر سکیں۔اسکول کے بچوں کے مستقبل کے ساتھ ساتھ ہمارے اوپر بھی توجہ کرنا حکومت کی ذمہ داری ہے۔
