ریاست اترپردیش کے ضلع مظفر نگر میں بینکوں کی نجکاری کے خلاف یونائیٹڈ فورم بینک یونین کے بینر تلے بینک یونینز کی آج دوسرے دن بھی ہڑتال جاری ربی۔
مظفر نگر کے مختلف مقامات پر بینک ملازمین نے بینکوں کی نجکاری کے خلاف احتجاجی مظاہرہ کیا۔ اس سے متعلق معلومات دیتے ہوئے گورو کشور (سرکل سیکرٹری، اے آئی پی این بی او اے مظفرنگر) نے بتایا کہ مظفر نگر میں بینکوں کی نجکاری کے خلاف یونائیٹڈ فورم بینک یونین کے بینر تلے بینکوں کے سبھی نو یونین کی آج دوسرے دن بھی ہڑتال جاری ربی۔
انہوں نے بتایا کہ احتجاج کرنا ہماری مجبوری ہے، ہماری تنخواہ بھی ان اسٹرائک کی وجہ سے کٹے گی، بینکوں کی نجکاری کے خلاف تقریبا دس لاکھ بینک ملازمین دو روز سے ہڑتال پر ہیں۔
یہ بھی پڑھیں: بھارت پاکستان کے درمیان سندھ - طاس معاہدے کا حل جلد ممکن: بھارتی کمشنر
گورو کشور نے مزید کہا کہ اگر حکومت ہمارے مطالبات تسلیم نہیں کرتی ہے تو آگے بھی اسی طرح مظاہرہ جاری رہےگا۔
