اتر پردیش ضلع مظفر نگر کے مہا ویر چوک پر واقع سماج وادی پارٹی کے دفتر پر ایک پروگرام کا اہتمام کیا گیا۔ اس پروگرام میں مہمان خصوصی کے طور پر سابق انفارمیشن کمشنر حافظ عثمان نے شرکت کی۔
انہوں نے خطاب کرتے ہوئے کہا کہ 'یووا جن سبھا سماج وادی پارٹی کا ایک اہم سیل ہے۔ نوجوان وہی سیاست میں آگے بڑھ سکتا ہے جو نظم و ضبط کے ساتھ کام کرے گا۔ اگر نوجوان خوب محنت کریں تو سماج وادی پارٹی کی حکومت بن سکتی ہے۔'
پارٹی کے کارکنان اور عہدیداروں نے حافظ عثمان کا گرم جوشی کے ساتھ استقبال کیا۔ اجلاس میں مظفر نگر سماج وادی پارٹی کے ضلع صدر نے بتایا کہ آج نوجوانوں کا جوش و جذبہ بتا رہا ہے کہ' 2022 کے انتخابات میں سماج وادی پارٹی کی حکومت بننے جا رہی ہے۔ یوتھ سماج وادی پارٹی میں اپنا ایک اہم مقام رکھتا ہے۔'
ایم ایل سی کے سابق امیدوار گورو جین نے کہا کہ 'سماج وادی پارٹی مسلسل آگے بڑھ رہی ہے اور نوجوان محنت کر رہے ہیں۔ سماج وادی پارٹی کے کارکنان اگر اسی طرح اس حکومت کے خلاف آواز اٹھاتے رہیں گے تو آنے والے 2022 کے انتخابات میں ہماری سرکار بنے گی۔'
