اترپردیش کے ضلع مظفرنگر کی تحصیل کھتولی میں جمعیۃ علماء کی ایک اہم میٹنگ مدرسہ محمودیہ پوربالیان میں منعقد ہوئی جس کی صدارت مولانا سعد صدر جمعیۃ علماء کھتولی نے کی اور نظامت کے فرائض مفتی عبدالقادر قاسمی جنرل سیکرٹری جمعیۃ کھتولی نے انجام دیے۔
مولانا سعد نے کہا کہ جمعیۃ علماء کی تاریخ روشن اور تابناک ہے۔ جمعیۃ کے اکابرین نے اس ملک کی آزادی کے لئے اپنی جان و مال کی بے مثال قربانیاں پیش کی ہیں اور جمعیۃ نے آزادی کے بعد سے امت مسلمہ کے لئے وہ نمایاں خدمات انجام دیں ہے جن کو فراموشنہیں کیا جا سکتا۔
یہ بھی پڑھیں:نوئیڈا: بس میں 60 کے بجائے 230 مسافر سوار، حادثہ ہونے سے ٹلا
جمعیۃ علماء نے دہشت گردی کے الزام میں ملوث بے قصور نوجوانوں کی پیروی کرکے ان کو ان الزامات سے بری کرایا اور ہمیشہ خدمت خلق میں پیش پیش رہی ہے۔
مفتی محمد عثمان و مفتی عبدالقادر قاسمی نے ووٹ کی اہمیت پر روشنی ڈالتے ہوئے کہا کہ جمہوریت میں ووٹ کی اہمیت سب سے زیادہ ہے اور ووٹ کی شرعی حیثیت بھی واضح ہے لیکن ہم لوگ ووٹ بنوانے میں سستی اور کاہلی سے کام لیتے ہیں جس کے نتیجے میں ہمارے کثیر تعداد میں ووٹ نہیں بن پاتے ہیں اور ہم میں سے بہت سے لوگ حق رائے دہی سے محروم رہ جاتے ہیں۔
انہوں نے کہا کہ ماہ نومبر میں الیکشن کمیشن کی جانب سے ووٹ سازی مہم جاری ہے اس لیے جن لوگوں کے ووٹ نہیں بن پائے وہ اپنےووٹ بنوا لیں۔
