اترپردیش کے ضلع مظفر نگر میں جمعیت العلماء کی مقامی شہری یونٹ نے آج ڈاک کے ذریعے صدر جمہوریہ کو ایک خط بھیجا ہے جس میں کانپور میں منصفانہ کارروائی کرنے اور پیغمبر اسلام کی شان میں گستاخی کرنے والوں کی گرفتاری کا مطالبہ کیا ہے۔ Muzaffarnagar Jamiat Ulema-e-Hind letter to President
جانکاری کے مطابق گزشتہ ہفتے بی جے پی کی سابق ترجمان نُپور شرما نے ایک ٹی وی پروگرام میں شان رسالتﷺ کی شان میں گستاخی کی تھی جس کے بعد سے ان کے خلاف ملک بھر میں احتجاج کیا جارہا ہے۔ خط میں کہا گیا ہے کہ نُپور شرما کے خلاف ملک کے مختلف تھانوں میں مقدمات درج ہیں لیکن ابھی تک انہیں گرفتار نہیں کیا گیا ہے۔ جمعیت العلماء ہند نے ایسے عناصر کے خلاف سخت کارروائی کا مطالبہ کرتا ہے۔ Muzaffarnagar Jamiat Ulema-e-Hind letter to President
مزید پڑھیں:
دوسری طرف جمعیت العلماء نے کانپور میں پتھراؤ کی منصفانہ تحقیقات کا مطالبہ اٹھایا اور کہا کہ پولیس کی طرف سے یک طرفہ کارروائی کی جا رہی ہے۔ خط میں کہا گیا ہے کہ سوشل میڈیا پر کئی ویڈیوز وائرل ہو رہی ہے، جن میں دوسری طرف سے لوگ ہاتھوں میں پتھر لے کر پتھر پھینکتے نظر آ رہے ہیں۔
