مظفرنگر: ریاست اترپردیش کے ضلع مظفرنگر کے تھانہ علاقہ چرتھاول کے گاؤں پاؤٹی خورد کی ایک منادی کی ویڈیو سوشل میڈیا پر خوب وائرل ہو رہی ہے۔ جس میں مغربی اترپردیش کے بدنام زمانہ بدمعاش رہ چکے وکی تیاگی کے والد راجویر پردھان کے نام سے گاؤں میں منادی کرائی کہ دلت سماج کا کوئی بھی فرد کھیتوں میں پایا جائے تو اس پر پانچ ہزار روپے کا نقد جرمانہ عائد ہوگا اور اسے پچاس جوتے لگائے جائیں گے۔ Former Village Head Arrested For Threatening Dalits
سوشل میڈیا پر ویڈیو جیسے وائرل ہوئی مظفرنگر پولیس بھی ایکشن میں آگئی اور مظفرنگر ایس ایس پی ابھیشیک یادو نے فوری کارروائی کرتے ہوئے راجبیر پردھان اور اس کے ایک ساتھی کو گرفتار کر لیا۔ مظفر نگر پولیس نے ویڈیو سوشل میڈیا پر وائرل ہونے کے بعد راجبیر پردھان اور اس کے ایک ساتھی کو گرفتار کیا۔ ایس ایس پی ابھیشیک نے ایک پریس کانفرنس میں بتایا کہ انہیں جانکاری ملی تھی کہ راجبیر نے سماج کے ایک مخصوص گروپ سے تعلق رکھنے والے افراد کو دھمکی دی ہے۔ معاملے کا نوٹس لیتے ہوئے پولیس نے راجبیر پردھان اور اسکے ساتھی کو حراست میں لیا ہے۔ انکے خلاف قانون کے مطابق کارروائی کی جارہی ہے۔
