اتراکھنڈ میں گلیشیئر ٹوٹنے کے بعد مظفرنگر انتظامیہ ہوا الرٹ

ریاست اترپردیش کے ضلع مظفر نگر میں اتراکھنڈ کے چمولی ضلع میں گلیشیئر ٹوٹنے سے ہوئے بھاری نقصان کے بعد ریاستی حکومت نے بھی ریاست میں الرٹ جاری کردیا جس میں سبھی اضلاع کے ضلع مجسٹریٹ کو ہدایت دی گئی۔ اس کے مدنظر مظفر نگر ضلع انتظامیہ پوری طرح الرٹ نظر آیا۔

انتظامیہ کے اعلیٰ افسران نے پورے عملے کے ساتھ دریائے گنگا کے آس پاس کے علاقوں کا دورہ کیا اور وہاں رہنے والے مقامی لوگوں اور رہائشیوں کو اس سے آگاہ کیا۔

مظفر نگر اے ڈی ایم آلوک کمار نے مزید معلومات دیتے ہوئے بتایا کہ ہم نے پورا ضلع الرٹ پر رکھا ہے، اگر ہمیں مزید سیلاب کی اطلاع ملتی ہے تو ہمیں اگر کسی گاؤں کو پانی کی وجہ سے خالی کروانا پڑا تو ہم اس گاؤں کو خالی بھی کروا دیں گے۔

فی الحال ایسے ابھی تک کوئی صورت حال نہیں ہے جس کی وجہ سے گاؤں کو خالی کرایا جائے۔ ہم نے جو سیلاب کے لیے چوکیاں بنائی ہیں، ان کو بھی الرٹ کر دیا ہے اور وہ ہر طریقے سے تیار ہیں۔

اگر کوئی ایسی صورت حال پیش آتی ہے تو ہم اس کام کو انجام دینے کے لیے پوری طرح سے تیار ہیں، جس میں ضلع مجسٹریٹ کی ہدایت پر تمام افسران چوکس ہیں اور سیلاب سے بچاؤ کے لیے تمام انتظامات کر دیے گئے ہیں۔

ہم نے ضلع کلکٹریٹ میں سیلاب کنٹرول روم بنایا ہے اور موبائل نمبر بھی جاری کر دئے گئے ہیں۔