نوئیڈا: الفلاح ہیومینٹی کی چیئرپرسن ڈاکٹر زینت جمال نے کہا کہ ہم ہر برس اس طرح کے پروگرامز کا اہتمام کرتے ہیں لیکن گذشتہ دو برسوں سے کورونا کی وجہ سے پروگرام کرنے سے قاصر رہے۔ انہوں نے کہا کہ ہزاروں عقیدت مند ہریدوار سے نوئیڈا آرہے ہیں۔ اس دوران نوئیڈا سیکٹر 12 کے مین روڈ پر مسلم کمیونٹی کے لوگوں نے کانوڑیوں کے استقبال کے لیے ایک پروگرام کا انعقاد کیا۔ مسلم کمیونٹی کے لوگوں نے عقیدت مندوں کا پھولوں کی پتیوں سے خیر مقدم کیا اور ان کے لیے پھلوں کا بھی اہتمام کیا۔ عقیدت مندوں میں پھل فروٹ اور پانی تقسیم کیا گیا۔
اس دوران دیکھا گیا کہ ایک مسلم نوجوان ایک عقیدت مند کو گود میں اٹھا کر نعرے لگا رہا ہے۔ اس کا ویڈیو بھی سوشل میڈیا پر وائرل ہو رہا ہے۔ اس خیر سگالی کو ہر طرف سراہا جارہا ہے۔
یہ بھی پڑھیں:
Hindu Muslim Unity in Delhi: باڑہ ہندو راؤ میں ہندو مسلم اتحاد کا انوکھا سنگم
